طیارہ حادثہ:تحقیقات کیلئے 5 رکنی کمیٹی قائم
اسلام آباد ...... سول ایوی ایشن اٹھارٹی نے طیارے کے حادثے کی تحقیقات کے لیے 5 رکنی کمیٹی قائم کردی ہے ذرائع کے مطابق طیارے نے دو مرتبہ لینڈنگ کی کوشش کی لیکن کنٹرول ٹاور سے طیارے کو لاہور جانے کا کہا گیا ۔
پانچ رکنی کمیٹی کے سربراہ چیئرمین سیفٹی انوسٹی گیشن بورڈ ایئر کموڈورخواجہ عبدالمجید ہو ں گے۔ کمیٹی بلیک باکس سے معلومات حاصل کرکے اور تمام حکام سے تحقیقات کر کے رپورٹ اڑتالیس گھنٹوں میں حکومت اور سول ایوی ایشن کو پیش کرے گی۔ زرائع کے مطابق کمیٹی تحقیقات کے دوران اس بات کا بھی جائزہ لے گی کہ مارگلہ کی پہاڑیوں پر طیارے آٹھ سے دس ہزار فٹ کی بلندیوں پر پرواز کرتے ہیں لیکن حادثے کا شکار ہونے والے طیارے نے چار ہزار فٹ کی بلندی پر پرواز کیوں کی۔
