فضائی حادثے کے باعث وفاقی کابینہ کا اجلاس ملتوی
اسلام آباد ...... وفاقی کابینہ کا اجلاس اسلام آباد میں فضائی حادثے کے باعث ملتوی کر دیا گیا ہے۔حکومت نے حادثے پر ملک بھر میں کل ایک دن کے سوگ کا اعلان کیا ہے ۔ ذرائع کے مطابق وزیر اعظم گیلانی اور کابینہ اراکین کاجائے حادثے کا فضائی جائزہ لینے کا فیصلہ کیا ہے۔وزیر اعظم اور کابینہ اراکین ریسکیو آپریشن کی مانیٹرنگ کریں گے ۔وزیر اعظم سیکریٹریٹ کے مطابق کابینہ کا اجلاس اب آئندہ بدھ کو طلب کیا گیا ہے، جس میں رمضان المبارک کے پیکیج کی منظوری دی جائے گی۔
