بیت المقدس ............ اسرائیلی وزیراعظم بینجمن نیتن یاہو نے کہا ہے کہ تل ابیب کے جوہری پروگرام کو امریکا کی بھرپور حمایت حاصل ہے، امریکا کو اسرائیلی جوہری پروگرام اور اس کے نتائج و اثرات کے حوالے سے کسی قسم کے تحفظات نہیں، واشنگٹن کی ساری توجہ ایران کے جوہری پروگرام کے خطرات پر مرکوز ہے۔ صہیونی کنیسٹ کی خارجہ و امن کمیٹیوں کے ایک مشترکہ اجلاس سے خطاب کرتے ہوئے نیتن یاہو نے کہا کہ امریکا نے ہر دور میں اسرائیل کے جوہری پروگرام کی حمایت کی اور واشنگٹن کو کبھی ہمارے ایٹمی پروگرام سے کوئی خدشات لاحق نہیں ہوئے۔ امریکا ہماری ضروریات اور دفاع سے غافل نہیں، اسے اچھی طرح اندازہ ہے کہ اسرائیل کو کس قسم کے چیلنجز کا سامنا ہے اور ان چیلنجز سے نمٹنے کیلئے اسے کس قسم کی دفاعی صلاحیت درکار ہے۔