ٹوکیو ................ شمالی کوریا کے خطرے سے نمٹنے کیلئے امریکا اور جنوبی کوریا کی بحری جنگی مشقیں جاپان کی سمندری حدود میں جاری ہیں جس میں امریکا اور جنوبی کوریا کی بحری افواج شرکت کر ر ہی ہیں، جبکہ جاپانی فوج بحیثیت مبصر ان مشقوں میں شامل ہے۔ شمالی کوریا نے مشقوں پر سخت ردعمل کا اظہار کرتے ہوئے اپنی فوج کو تیار رہنے کا حکم دے دیا ہے۔ فوجی مشقوں میں 8 ہزار فوجی شرکت کر رہے ہیں جب کہ 20 سے زیادہ بحری جنگی جہاز ان مشقوں میں حصہ لے رہے ہیں اور ایٹمی ہتھیاروں سے لیس امریکی ایئر کرافٹ کیریئر تباہ کن بحری جہاز ’جارج واشنگٹن‘ ا ن مشقوں میں اہم کردار ادا کرر ہا ہے۔ ان مشقوں میں آبدوزیں بھی حصہ لے رہیں ہیں۔ دوسری جانب شمالی کوریا نے مشترکہ جنگی مشقوں پر سخت رد عمل کا اظہار کرتے ہوئے اپنی افواج کو تیار رہنے کا حکم دے دیا ہے اور انتباہ جاری کیا ہے کہ امریکا اور جنوبی کوریا کی افواج کی جانب سے کسی بھی ’شرارت‘ کا بھرپور جواب دیا جائے گا۔