کراچی ....  برطانوی وزیر خارجہ ڈیوڈ ملی بینڈ نے کراچی میں ٹارگٹ کلنگ پر اظہار تشویش کرتے ہوئے کہا کہ شہر کے حالات بہتراور شہریوں کے جان ومال کی حفاظت یقینی بنائی جائے۔برطانوی وزیرخارجہ نے یہ بات کراچی میں وزیرداخلہ رحمٰن ملک سے ملاقات میں کی ،اس موقع پر وزیرداخلہ رحمٰن ملک نے کہا کہ شہر میں امن و امان کی بہتری کیلئے کوشاں ہیں اور جلد حالات معمول پر آجائیں گے۔انہو ں نے کہا کہ پاکستان نے دہشت گردی کیخلاف جنگ میں بڑی قیمت ادا کی ہے ،اس موقع پر وزیر داخلہ نے برطانوی وزیرخارجہ ڈیوڈملی بینڈ سےطلبہ اور تاجروں کو درپیش ویزہ مسائل سمیت مختلف امور پر گفتگو کی۔