وانا ....  جنوبی وزیرستان ایجنسی میں سیکیورٹی فورسز نے مزید دو علاقوں کا کنٹرول سنبھال لیا ہے، جبکہ شمالی وزیرستان ایجنسی کے مخلتف علاقوں میں امریکی جاسوس طیاروں کی پروازیں جاری ہیں ۔سیکیورٹی فورسز جنوبی وزیرستان ایجنسی کے مختلف علاقوں میں پیشقدمی کر رہی ہیں، سیکیورٹی فورسز نے مزید دو علاقوں کٹوری سر اور سولہ لنڈئی کا کنٹرول سنبھال لیا ہے۔ادھر شمالی وزیرستان ایجنسی کے علاقوں میران شاہ، میر علی، رزمک اور حمزونی میں امریکی جاسوس طیاروں کی پروازیں جاری ہیں، یکم جنوری سے اب تک پانچ ڈرون حملوں میں پینتس سے زائد افراد جاں بحق ہو چکے ہیں۔